إيلون ماسك : من أنجح البشر في التاريخ

L 'HOMME QUI VA CHANGER LE MONDE ?!!

إيلون ماسك Elon Musk
مهندس و مبرمج و رجل أعمال و من أنجح البشر في التاريخ ، من مواليد جنوب إفريقيا عام 71 ، مستنًاش بزاف باش يظهَر عبقريتو… تعلَم البرمجة في العشرة سنين و فوت اختبار مع شركة IBM قالولو بلي مستقبل كبير يستناه … و بالفعل في 12 سنة باع أول Video game من برمجتو ب 500 دولار ، كي وصل لل17سنة خرج لكندا هارب من العسكر في جنوب إفريقيا … و من كندا لأمريكا وين تحصل على دبلومات في الفيزيك و إدارة الأعمال..أيا قبل ما يبدا الدكتورا في ”ستنفورد” عام 95، قرر يبطَل القراية  و يبدا مسيرتو … أسس هداك العام Zip2 شركتو إلي باعها بعد أربع سنين ب 341 مليون دولار…و أسس شركة X.com الي اصبحت من بعد شركة PayPal و باعها عام 2002 ل eBay ب 1.5 مليار دولار…
أسس بعدها شركة SpaceX و الي من أهدافها غزو الفضاء عام 2025 ( من اخر إنجازاتها بعثوا صاروخ خارج الأرض و رجعوه للقاعدة نتاعو واقف و هاذي حاجة كانت مستحيلة قبل) و أسس شركة Tesla للسيارات الكهربائية ، و الي باعت سيارات ( حسب الطلب و سير كوموند برك ) بقيمة 14 مليار دولار بداية 2016…
و أسس شركة SolarCity المختصة في توفير الطاقة الشمسية و الطاقات البديلة (و تبرع قداش من مرة من أرباح الشركة هاذي و معدًاتها للبلدان الفقيرة و خاصة في إفريقيا مسقط رأسو.

إيلون ماسك ديما كاين في قائمة أكثر الناس تأثيرا نتاع TIME…من أنجح و أغنى رجال الأعمال في العالم…تحصل على الدكتوراء الفخرية في التصميم و هندسة الفضاء ، شخصيتو و إنجازاتو كانت الإلهام نتاع فيلم Iron Man و يقول بلي مسيرتو ما تحبسش هنا، التحدي الجديد نتاعو هو تعليم أولادو ، و الي ناوي اديرلهم فورماسيون و تكوين علمي يبدل ضربة وحدة قواعد التربية و التعليم في العالم كامل..
لو كان النجاح شخص ، ما يكون غير ”إيلون ماسك”

غير معروف
About بلقاسم شماخ 23 Articles
أنصاف الاشياء... لا تجعلك تتقدم و لا تعفيك من حرج التراجع