الفريدو جيمس باتشينو

 

الفريدو جيمس باتشينو او إختصارا Al Pacino…الولَد الصغير القصيَر السيسييليان ولد المهاجرين الطلاين، إللي حلم يكون لاعب نتاع بيسبول محترف، أما المشكل تاع طلاق والديه و الفقر و زاد بطل لقراية خلاه يهرب مالدار.. باش يقرى تمثيل بعد ما تغرم بالمسرح و شكسبير، و خدم  نادل (سارفور) و عسًاس باركينغ ( حارس موقف سيارات) و فاكتور فقط باش يدبر مصروفو و مصروف قرايتو..

TheGodfatherAlPacinoMarlonBrandoو بدا يطلع في أدوار صغيرة في المسرح و السينما

حتى جات فرصتو في The Godfather الفيلم الي حاروا في دور ”مايكل كورليوني” شكون يرشحولو ؟ داستن هوفمان، جاك نيكلسون، الان دولون، روبرت ردفورد و غيرهم من عزارن السينما هداك الوقت أما المخرج كوبولا كان لاصق فيه، و حتى روبرت دينيرو اقنعو باش يمثل في الجزء الثاني و يخلي الدور للسيسيليان الجديد، دور بطولة قدام Marlon Brando …حاجة من أصعب ما يكون، و سيرتو الي المنتجين شافوه صغير و ما يجيش مافيا، هذا كامل قبل ما يبدى يمثل، ايا من ال scéne اللولة سكت الناس كامل و دار بريستاسيون(أداء) تقعد في تاريخ السينما العالمية…

سقساوه كيفاش تصنف روحك مع النجوم، قالهم :
“أنا ممثل ولست نجم، النجوم هم الأشخاص الذين يعيشون في هوليود ويمتلكون حمامات سباحه على شكل قلوب”.

غير معروف
About بلقاسم شماخ 23 Articles
أنصاف الاشياء... لا تجعلك تتقدم و لا تعفيك من حرج التراجع