تجربة ستانفورد __ the Stanford experiment

السلطة المطلقة مفسدة مطلقة

تجربة جامعة ستانفورد – Stanford experiment

هي وحدة من أصعب و أشهر التجارب النفسية و الإجتماعية إلي داروها في العصر الحديث…
عام 1971 قرر عالم النفس و الأستاذ بجامعة ستانفورد “فيليب زيمباردو” باش يدير تجربة يفهم بيها واش يصرا كي تعطي لواحد السلطة المطلقة …

هز 24 طالب يقراو عندو و قسمهم لمجموعتين 12 حارس و 12 سجين و حطهم في  قبو [Cave] نتاع الجامعة الي ردتها المارينز حبس باش يردو التجربة أكثرواقعية…

قبل ما يبداو دارو اجتماع بين المشرفين على التجربة و الطلبة الي عطاوهم دور الحراس و تفاهموا باش ما يستعملوا حتى عنف مادي بصح الباقي يتصرفوا كيما يحبوا كي شغل محابيس تاع صح و مجرمين..


فقط من النهار لول الي بداو التجربة بدات طبيعة الحراس تتبدل و يحسوا رواحهم يملكوا السلطة المطلقة

و لخرين عبيد عندهم و بداو يبدلوا في قوانين اللعبة في اتجاه ”اللا-قانون” و بداو بالعنف في بعضاهم

كحراس و مبعد بداو يواجهوا في عصيان المحابيس بطريقة تاع عنف و هستيريا وصلت يحرموهم مالماكلة

و المرحاض و يبعثوهم للحبس المنفرد…و يغطيولهم عينيهم و يلبسوهم البسة نسا

و يمنعوهم حتى باش يهدروا مع بعضاهم و يسميو رواحهم بأساميهم الحقيقية…

و نهار بعد نهار المساجين بداو يدخلوا في نوبات  نتاع بكاء وكآبة و دوخة و الحراس كل ما يشوفوهم يتعذبوا يزيدوا عليهم بلعاني بطريقة وحشية (رغم انو هم في الواقع أصحابهم و طلاب كيفهم)…CourtesyofeOneFilms-5
توقفت التجربة في النهار السادس قبل ما تكمل رغم انها كانت مبرمجة لسمانتين و فاتو كامل للتأهيل النفسي ..التجربة داروها فيلم عام 2010.

غير معروف
About بلقاسم شماخ 23 Articles
أنصاف الاشياء... لا تجعلك تتقدم و لا تعفيك من حرج التراجع

2 Comments

  1. عجبني بزاف هاد المقال ، لوكان برك تحاول تبدل الكلمات لي برومية.بارك الله فيك، مقالات فالمستوى.

قسم التعليقات مغلق.