فقيه الحضارة الأستاذ مالك بن نبي

مهندس الهندسة الكهربائية الذي قام بنقلة نوعية في الفكر الإسلامي الحديث

في عام 1905 المكان تبسة تولد فقيه الحضارة الأستاذ مالك بن نبي
بعد ما أتم التعليم الابتدائي راح لقسنطينة باش يكمل الدراسة و تأثر بزاف بأمه الي خدمت في الخياطة و حتى انها باعت بعض أثاث البيت باش تعلم أولادها ….
في هذه الفترة بدأ الوعي تاع مالك بن نبي يتكون خاصة لانه بدات في المدينة حركة إسلامية بقيادة الإمام عبد الحميد بن باديس و التي كان هدفها تحرير عقول الجزائريين وتغيير نفسياتهم و تخمامهم و اللي اعتبرها ابن نبي منبعد هي *بداية معجزة البعث* …….
وفي 1930 غادر بن نبي الجزائر إلى باريس باش يكمل قرايتو و تخرج فيها مهندس في الهندسة الكهربائية  Génie electrique
سنة 1935 وبعد فترة في باريس هدى ربي على يديه طفلة فرنساوية للإسلام و بدلت اسمها الى ‘خديجة’ وكان لكل واحد منهم أثر ايجابي على الاخر. سبب تعارفهم كان صدفة في مكتبة للمطالعة بباريس و هي قصة باهية و مختلفة على قصص التعارف الكلاسيكية….كان كلما يبحث على كتاب يقولولو بانه شابة قامت باستعارت الكتاب ، وكلما طلبت هيّ كتاب تلقاه هو لي داه . وكل واحد حاب يعرف شكون الثاني اللي يحسو بأنه متوافق معاه حتى قبل ما يلتقي بيه و كانت قصة تعارف  جميلة ثم حب ، ثم زواج حتى ماتو الاثنين في نفس العام بعد عشرة بيناتهم دامت أربعين سنة كاملة . 13331076_10207755180690102_2005547661449536708_n

في باريس بن نبي قدر يشوف مليح و يميز وين هو بالضبط المشكل اللي عندنا في الجزاير و عند المسلمين عامة  و هناك زاد كبر نشاطه  الفكري…
هاذ التجربة العميقة العنيفة في نفس الوقت مع كل أبعادها الروحية الفكرية الاجتماعية جعلت من  بن نبي يصبح متيقين بأنه الإسلام بعقيدته الصحيحة و الفكر تاعو المنفتح على العقل منذ أول أية «ءاقرأ» و روحه الاجتماعية اللتي أساسها هو مساواة، تضامن، أخُوّة 
يقدر يواجه الحضارة الغربية، وينتصر عليها، ولكن المشكلة هي في المسلمين أنفسهم و بعد ما لقينا المرض نقدرو نلقاو الدواء  … كان هو أول قدر يحدّد أبعاد المشكلة.

مالك بن نبي قدر يدير نقلة نوعية في الفكر الإسلامي الحديث بكتب كيما ” مشكلات الحضارة” و كتاب شروط النهضة  و و و ….

مالك بن نبي كان عندو فكرة محورية هي أن نهضة أي مجتمع تكون في نفس الظروف الي شهدت ميلاد هاذ المحتمع ، يعني باش نبنو مجتمع مسلم حديث لا بد ننطلقو من الفكرة الدينية كأساس لهذا كانت الآية الكريمة :  {إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ} [الرعد: 11] نقطة مهمة في منظومته الفكرية

نابغة داهية مفكر مبدع  جزائري بمعنى الكلمة… مالك بن نبي اجتماعي من الطراز العال الكتب تاعو يقروا عليهم في أكبر الجامعات العالمية.. لكن مخابرات الفكر تتبع منظومة الأفكار في العالم الإسلامي وتميز مليح الجليل من الحقير والصحيحة من المريضة، هاته المنظمات  يعرفو مليح القيمة تاع أفكار مالك بن نبي و يعرفو بلي هو اكثر واحد فهم أساليبهم، وأهدافهم و عليها يخدمو بكل الطرق كيفاش يبعدوا أفكارو على المجتمعات الإسلامية.. ….

كيما كان يقول دايما * ” إنَّ هناك خبراء في الصراع الفكري أخصائيون في تحطيم الأفكار، تماماً مثل أخصائيي الذرة المختصون بتحطيم نواة الذرة…”

مالك بن نبي 3

صاحب مفهوم القابلية للاستعمار في الجزائر قليل لي يعرفو …..لما هذا التغييب على شخصية وطنية و مكسب للأمة ؟؟

ربما لاننا شعب رائع و متحلبين و ربحنا الالمان و صدقت فينا الستراتيجية الثامنة من استراتيجيات التحكم في الشعوب لنعوم تشومسكي لي يقول فيها باش تتحكم في شعبك لازم تشجعهم علي استحسان الرداءة  و يجب تشجيع الشعب علي أن يجد أنه من (الرائع)أن يكون غبي، همجي وجاهل …..

غير معروف
About بلقاسم شماخ 23 Articles
أنصاف الاشياء... لا تجعلك تتقدم و لا تعفيك من حرج التراجع